哇,边度嘅火锅味咁香?搞到门口日日都排长龙?就係椰语江南火锅咯。
椰语江南火锅係一间以海南特色为主题嘅原生态火锅店,讲明係原生态,就梗係充满海南热带园林风情啦。
行入椰语江南火锅,就好似置身于热带丛林一样,周身被椰子树同其它热带植物环绕,环境咁靓,真係好想戴上草帽换上草裙跳番part桑巴啊。
呢度嘅用餐环境都好靓,餐桌都好宽落,唔会太逼。成间餐厅,简直就係海南岛嘅缩影。
呢度最出名嘅莫过于係椰语江南火锅,听人讲,附近好多上班一族,都係为咗呢度嘅椰子鸡而嚟嘅。店内有10余种椰子鸡火锅供客人选择,统一用原汁原味嘅椰子汁做汤底,执着于“裸烹”,还原食材最原始嘅风味。
因为我哋女仔居多,所以就点咗竹笙椰子鸡火锅,听闻有活血健脾、益胃助消化好有用噶。首先上台嘅就係原只文昌鸡啦,椰语江南火锅所用嘅鸡,全部都係海南文昌鸡嚟噶。保证到还原最原始嘅海南特色。
钟意食D爽口嘢嘅,仲可以点埋呢个海南袖珍马蹄,佢係海南特有嘅特产,人手剥唔到噶,要用专门嘅机器嚟剥皮,睇下佢几矜贵~
将鸡肉同马蹄放入汤底里面,大火两分钟煮起,1分钟细火,就可以收起食得噶啦。哇,睇下D鸡肉几靓啊,咬入口肉质结实有弹性,仲有好香嘅椰子香味添。
食到差唔多,就可以加D配菜入去啦,椰语江南火锅嘅配菜同样好丰富,我哋就点咗几样别具特色嘅配菜,其它地方食唔到噶。
紫玉淮山
素有“紫色人参”美誉,肉质呈紫红色,对明目、预防心脏病有一定帮助。口感粉嫩,吸收咗椰子嘅甜味,别具一番风味。
海南芦荟
富含丰富嘅胶质,对美容同保健具有十分显著嘅效果。入口滑嫩无比,咬起身仲QQ弹弹噉,好过瘾。
除咗椰子鸡煲,椰语江南火锅嘅其它风味美食都值得一试。
腊味煲仔饭
腊味煲仔饭大把地方有得食,但係椰语江南火锅嘅腊味煲仔饭,可以话係别具特色嘅,而且係即点即煲嘅,比得上专做煲仔饭嘅专家。点解噉讲,皆因佢饭粒饱满,粒粒甘香,仲特别加入咗香芋粒,令饭粒更加飘香,更加粉糯。
椰语江南火锅新品——养生栗子鸡
椰语江南火锅最新推出嘅养生栗子鸡,用栗子中嘅战斗机——栗皇做原材料。
约五斤嘅栗子老火煮2～3小时等栗子变细块甚至变成颗粒状,好似雪糕一样融入汤底里面,汤底口感香糯,无得顶!
